25 Dekabr , 2020

İşğaldan azad edilən ərazilərdə yeni qoruqların yaradılması üçün planlar hazırlanır”.

İşğaldan azad olunmuş ərazilərdə əvvəllər 4 yasaqlıq, 2 dövlət təbiət qoruğu var idi. Onların vəziyyəti heç də yaxşı deyil. İlkin məlumatlara görə, Avropanın yeganə təbii çinar massivindən ibarət olan Bəsitçay qoruğundakı ağacların yarıdan çoxu kəsilib məhv edilib. Qaragöl qoruğunun da böyük bir hissəsi qurudulub. Yasaqlıqların ərazisində olan meşə sahələrinin minlərlə hektarın kəsildiyi qeydə alınıb. Bunlar həmin ərazilərdə davamlı tədbirlərin görülməsini vacib edir.

Təbiət abidələri də xüsusi mühafizə olunan təbiət obyektidir. Qarabağ ərazisində 152 təbiət abidəsi qeydə alınıb. Orada yaşı 450, 500, hətta 2000 il olan ağaclar vardı, onların əksəriyyəti kəsilib, daşınıb və məhv edilib. Gələcəkdə müvafiq təzminatın tələbi üçün hazırda qiymətləndirmə işləri aparılır. Ümid edirik ki, həmin xüsusi mühafizə olunan ərazilərdə yaxın gələcəkdə mühafizə rejimi tətbiq olunduqdan sonra təbii bərpa gedəcək və inkişaf etdiriləcək.

Fotoqalereya