Elanlar

Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidməti tabeli qurumlarında müvafiq vakant vəzifələrə işə qəbul üzrə müsahibə elan edir. 

Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidməti tabeli qurumlarında aşağıdakı cədvəldə qeyd edilən vakant vəzifələrə işə qəbul üzrə müsahibə qeyd olunan meyarlara uyğun şəxslər iştirak edə bilər. Müsahibədə iştirak edən namizədlər arasından seçimlər Ekologiya və Təbii Sərvətlər Nazirliyinin müvafiq şöbələrinin, Bioloji Müxtəlifliyin Qorunması Xidmətinin və Təbii Sərvətlər və Ekologiya İşçiləri Həmkarlar İttifaqı Komitəsinin mütəxəssislərindən ibarət komissiya tərəfindən həyata keçiriləcək.

Müsahibədə iştirak etmək istəyən vətəndaş ərizə ilə müraciət edərək aşağıda qeyd edilən müvafiq sənədləri 2022-ci il 25 iyul tarixinədək Bioloji Müxtəlifliyin Qorunması Xidmətinin Hüquqi təminat, insan resursları və sənədlərlə iş sektoruna təqdim etməlidir.

Müsahibə 2022-ci il 27 iyul tarixində Bakı şəhəri, Heydər Əliyev pr 10 ünvanında yerləşən Bioloji Müxtəlifliyin Qorunması Xidmətində saat 11:00-da keçiriləcəkdir.

Ərizədə aşağıdakı məlumatlar göstərilir:

1.1. ərizəçinin müraciət etdiyi inzibati orqanın adı;

1.1.1. şəxsiyyəti təsdiq edən sənədin surəti;

1.1.2. iddia etdiyi vəzifə;

1.1.3. ərizənin tərtib edildiyi tarix, ərizəçinin imzası və telefon nömrəsi.

1.2. ərizəyə əlavə edilmiş sənədlərin siyahısı:

1.2.1. tərcümeyi-hal;

1.2.2. 4x6 sm ölçüdə dörd ədəd, 9x12 sm ölçüdə bir ədəd rəngli fotoşəkil;

1.2.3. kadrlar uçotunun şəxsi vərəqəsi;

1.2.4. ali təhsil haqqında dövlət sənədinin (xaricdə təhsil almış namizədlər üçün təhsil haqqında sənədlərin (xarici dövlətlərin ali təhsilə aid kvalifikasiyalarının) tanınması ilə bağlı müvafiq sənədin) notarial qaydada təsdiq olunmuş surəti;

1.2.5.əmək kitabçasının surəti (ilk dəfə əmək fəaliyyətinə başlayanlar istisna olmaqla);

1.2.6. sağlamlıq haqqında arayış;

1.2.7. ilk dəfə əmək fəaliyyətinə başlayanlar heç bir yerdə işləməməsi haqqında arayış

1.2.8. hərbi biletin və ya qanunla müəyyən olunmuş qaydada hərbi xidmətdən möhlət hüququ verilməsini təsdiq edən sənədin surəti (qadınlar istisna olmaqla);

1.2.9. məhkumluğun olmaması barədə arayış.

1.3.    Aşağıdakı hallarda namizəd müsahibəyə buraxılmır:

1.3.1. Azərbaycan Respublikasının vətəndaşı olmayanlar;

1.3.2. Xidmətdəki vəzifə funksiyalarının yerinə yetirilməsi üçün vakansiya üzrə tələb olunan halda müvafiq  ali təhsilə malik olmayan şəxslər;

1.3.3. əyani şöbə üzrə ali təhsil alan vətəndaşlar;

1.3.4. çağırış yaşlı vətəndaşlar qanunla müəyyən olunmuş müddətli həqiqi hərbi xidmət keçmədikdə (qanuni əsaslarla müddətli həqiqi hərbi xidmətə çağırışdan möhlət hüququ olanlar və ya müddətli həqiqi hərbi xidmətə çağırışdan azad edilənlər istisna olmaqla);

1.3.5. məhkumluğu ödənilmədikdə və ya götürülmədikdə;

1.3.6. bu Qaydaların 2.1-ci bəndində göstərilən sənədlər təqdim edilmədikdə və ya həmin sənədlərdə təhrif olunmuş məlumatlar aşkar edildikdə;

1.3.7. məhkəmənin qanuni qüvvəyə minmiş qərarı ilə məhdud fəaliyyət qabiliyyətli və ya fəaliyyət qabiliyyəti olmayan hesab edildikdə.

1.4. Namizəd aşağıdakı tələblərə riayət etməlidir:

1.4.1. müsahibənin aparılacağı yerə təyin edilmiş vaxtda gəlmək;

1.4.2. Komissiyanın üzvlərinə hörmətlə yanaşmaq, onların suallarını, tapşırıqlarını sonadək dinləmək;

1.4.3. suallara mahiyyəti üzrə cavab verməyə və tapşırıqları mümkün qədər qısa vaxtda yerinə yetirməyə çalışmaq;

1.5.4. üzrlü səbəb olmadan müsahibənin keçirildiyi otağı tərk etməmək;

1.6.5. rabitə və digər texniki vasitələri müsahibənin keçirildiyi otağa gətirməmək.

Ekologiya və Təbii Sərvətlər Nazirliyinin yanında Bioloji Müxtəlifliyin Qorunması Xidmətinin tabeli qurumlarında vakant olan vəzifələr

                                                                 Vakant olan vəzifələrin vəzifə funksiyaları və ixtisas tələbləri        

Bioloji Resursların Tədqiqatı Mərkəzinin Balıqların yem bazasının öyrənilməsi şöbəsidə baş müxətəssis-şöbə müdiri

Vəzifə funksiyaları:

• Şöbənin bütün fəaliyyəti, işin elmi istiqaməti, elmi-tədqiqat işləri planının icrası, aparılan tədqiqatların keyfiyyəti və müddətləri, kadrların seçilməsi və yerləşdirilməsi üçün, laboratoriyada əmək qanunvericiliyinə, əmək intizamına, təhlükəsizlik texnikası və istehsalat sanitariyası qaydalarına əməl olunması üçün məsuliyyət daşıyır,
• Müəyyən edilmiş qaydada elmi-tədqiqat işləri, tətbiq, kadr hazırlığı, ixtiraçılıq və s. işlərin planlarının layihələrini tərtib edir;
• Elmi ezamiyyətlərin, ekspedisiyaların və tematik səfərlərin planlarını, həmçinin avadanlıq və materialların alınması üçün tələbnamələri laboratoriyanın ayrı-ayrı mövzu və işləri üçün məxaric smetasının layihələrini tərtib edir.;
• İşçilərin fərdi elmi iş planların hazırlanması və icrasına nəzarət edir;
• Çapa hazırlanmış elmi işlərin, əl yazmaların müzakirəsini təşkil edir, sonra isə bu işlərin müzakirəsinin nəticələri haqda Mərkəzin direktoruna məlumat verir.

Bilməlidir:

Ekologiya və Təbii Sərvətlər Nazirliyinin və Bioloji Müxtəlifliyin Xidmətinin fəaliyyətinə dair məlumatlara sahib olmaq, öz is fəaliyyətində Azərbaycan Respublikasının Qanunlarını, Azərbaycan Respublikasının Nazirlər Kabinetinin qərarlarını, Azərbaycan Respublikası Prezidentinin fərman, qərar və sərəncamlarını, Azərbaycan Respublikasının təbiəti mühafizə sahəsində iştirak etdiyi beynəlxalq müqavilələri, digər normativ aktları, Ekologiya və təbii sərvətlər nazirliyinin  əmr, təlimatlarını, elmi-tədqiqat işlərinin nəzəri, praktiki və iqtisadi əsaslarını, xarici və ölkədaxili elmi tədqiqatlarının qabaqcıl iş təcrübəsini; elmi ekspedisiyaların və tematik qrupların təşkilinin əsaslarını, faunanın uçotu üsullarını və süni artırılmasının biotexnoloji əsaslarını, biotexniki və başqa tədbirlərin aparılmasını,istehsalat sanitariyası əməyin təhlükəsizliyi və yanğından mühafizə qaydalarını,kompüter proqramları və elektron sənəd dövriyyəsi.

İxtisas tələbləri:biologiya ixtisası üzrə ali təhsilli, bu sahə üzrə əmək stajı 5 il

           Bioloji Resursların Tədqiqatı Mərkəzinin Balıqların sayının öyrənilməsi və ovunun proqnozlaşdırılması şöbəsi mütəxəssis

Vəzifə funksiyaları:

• Şöbənin elmi-tədqiqat planı üzrə baş mütəxəssis və aparıcı mütəxəssis tərəfindən yerinə yetirilən fərdi elmi iş planların hazırlanması və icrasının təmin edilməsində iştirak edir.

Bilməlidir:

Ekologiya və Təbii Sərvətlər Nazirliyinin və Bioloji Müxtəlifliyin Xidmətinin fəaliyyətinə dair məlumatlara sahib olmaq, öz is fəaliyyətində Azərbaycan Respublikasının Qanunlarını, Azərbaycan Respublikasının Nazirlər Kabinetinin qərarlarını, Azərbaycan Respublikası Prezidentinin fərman, qərar və sərəncamlarını, Azərbaycan Respublikasının təbiəti mühafizə sahəsində iştirak etdiyi beynəlxalq müqavilələri, digər normativ aktları, Ekologiya və təbii sərvətlər nazirliyinin  əmr, təlimatlarını, elmi-tədqiqat işlərinin nəzəri, praktiki və iqtisadi əsaslarını, xarici və ölkədaxili elmi tədqiqatlarının qabaqcıl iş təcrübəsini; elmi ekspedisiyaların və tematik qrupların təşkilinin əsaslarını, faunanın uçotu üsullarını və süni artırılmasının biotexnoloji əsaslarını, biotexniki və başqa tədbirlərin aparılmasını, istehsalat sanitariyası əməyin təhlükəsizliyi və yanğından mühafizə qaydalarını, kompüter proqramları və elektron sənəd dövriyyəsi.

İxtisas tələbləri:biologiya ixtisası üzrə ali təhsilli

Kadr və sənədlərlə iş üzrə mütəxəssis

             Vəzifə funksiyaları:

• Sənədləri qəbul edir, qeydiyyatdan keçirir və struktur bölmələrinə göndərir;Rəhbərlərin  tapşırığına müvafiq olaraq sənədləri icraçılara verir, qeydiyyatlarını rəsmiləşdirir;
• Sənədli materialların keçməsinin qeydiyyat kartotekasını aparır, onların yerinə yetirilməsinə nəzarətedir, qeydiyyatdan keçmiş sənədlər üzrə lazım olan arayışlar verir;
•  İcra olunmuş sənədləri ünvanlarına yola salır;
• Alınmış və yola salınmış korrespondensiyanın uçotunu aparır, cari arxivin sənədlərini sistemləşdirir və mühafizə edir;
• Kargüzarlıqda başa çatmış sənədli materialları və qeydiyyat kartotekasını hazırlayıb müəssisə, idarə və təşkilatların arxivinə təhvil verir;
•  Xidməti sənədlərin mühafizəsini təmin edir;
• İşçilərin işə davamiyyətinə nəzarət edir və onun əsasında aylıq tabeli tərtib edir;
• Əmək qanunvericiliyinə, nizamnaməyə, təlimatlara və  rəhbərinin əmrlərinə uyğun işçilərin qəbulu, köçürulməsi, kadrların ixtisasının artırılması və işdən azad edilmələrinin və s. sənədlərin rəsmiləşdirilmək;
• Əmək kitabçalarının əmrlər əsasında doldurulmaq;
• Şəxsi heyətin uçotuna, çalışanlara cari və keçmiş əmək fəaliyətləri haqqında arayışlar vermək, əmək kitabçalarını qorumaq,
• kadrlar üzrə təyin olunmuş sənədləri icra etmək eləcə də işçilərin mükafatlandırılması üçün materiallar hazırlanmaq
• İşçilərin şəxsi işlərini aparmaq, formalaşdırmaq;
•  Kadrlara aid olan təlabat haqqında lazımi yerlərə məlumat vermək;
• Kadr axınının səbəblərini öyrənmək, onun aradan qaldırılması üçün tədbirlər hazırlamaq və rəhbərliyə təqdim etmək;
• İxtisas və attestasiya komissiyalarına lazım olan materialı hazırlamaq, attestasiya komissiyasının işində bilavasitə iştirak etmək;
• Məzuniyyət qrafiklərini tərtib etmək, işçilərə məzuniyyətlərin verilməsinin uçotunu aparmaq, verilən məzuniyyətlərin cədvəl  üzrə istifadə edilməsinə nəzarət etmək;
• Kadrlar üzrə hesabatları tərtib etmək və tələb olunan yerə təqdim etmək; 
• Ezamiyyət sənədlərinin rəsmiləşdirilməsinə,  ezamiyyətə gələn işçilərin qeydə alınmasında iştirak etmək;
• Xidməti borcunu vaxtında və dəqiq yerinə yetirilmək, təşəbbüskar olmaq,      
• Azərbaycan Respublikasının qanunvericiliyinə ciddi riayət etmək;
• Əmək məhsuldarlığını artırmaq, işdə yüksək keyfiyyət göstəricilərinə nail olmaq
• İşçilərin maddi və intizam məsuliyyətinə cəlb olunması üçün materialların  hazırlamaq;
•  Kadrlar üzrə cari və perspektiv planları işləyib hazırlamaq.

Bilməlidir:

Azərbaycan Respublikasının Əmək Məcəlləsini, öz iş fəaliyyətində Azərbaycan Respublikasının Qanunlarını, Azərbaycan Respublikasının Nazirlər Kabinetinin qərarlarını, Azərbaycan Respublikası Prezidentinin fərman, qərar və sərəncamlarını.

İxtisas tələbləri: ali təhsilli.

Sahə müfəttişi

Vəzifə funksiyaları:

• tabeliyində olan mühafizə yegerlərinin fəaliyyətinə ümumi rəhbərliyi həyata keçirmək, onları təlimatlandırmaq, davamiyyətinə, iş və icra intizamına nəzarət etmək;
• cavabdeh olduğu sahədə tabeçiliyində olan mühafizə yegerləri ilə birgə reydlərdə və yoxlamalarda iştirak etmək, müvafiq sənədləşmə aparmaq;
• baş vermiş qanun pozuntusu faktlarını qanunamüvafiq qaydada rəsmiləşdirib dərhal rəhbərliyə məlumat vermək;
• mühafizə yegerləri tərəfindən aparılan müşahidələr zamanı gündəlik qeydiyyatların aparılmasına nəzarət etmək;
• yaxınlıqda olan yaşayış məntəqələri ilə həmsərhəd zonalarda mühafizənin düzgün təşkil edilməsini təmin etmək;
• mühafizə postlarında gündəlik növbətçilik qrafikinə əməl olunması vəziyyətinə nəzarət etmək;
•  nəzarət etdiyi sahədə baş verə biləcək yanğın hadisəsinin qarşısının alınması məqsədilə profilaktik tədbirlərin yerinə yetirilməsi istiqamətində müvafiq işlər görmək və bu sahədə mühafizə yegerlərini təlimatlandırmaq;
• xüsusi mühafizə olunan təbiət ərazisində və onun mühafizə zonasında mühafizə rejimini pozanların sənədlərini yoxlamaq, nəqliyyat vasitələrini saxlamaq, qanunvericiliklə müəyyən edilmiş qaydada nəqliyyat vasitələrini, gəmiləri, ov alətlərini, əldə olunmuş məhsulları və başqa əşyaları yoxlamaq, hüquqpozmaya səbəb olmuş alətləri, cihazları və əşyaları, qanunsuz əldə edilmiş məhsulları, habelə müvafiq sənədləri götürmək;
• xüsusi mühafizə olunan təbiət ərazisində və onun mühafizə zonasında mövcud qanunvericiliyə və mühafizə rejiminə zidd olan fiziki və hüquqi şəxslərin fəaliyyətini dayandırmaq;
• xüsusi mühafizə olunan təbiət ərazisində və onun mühafizə zonasında qanunvericiliyi pozmuş, cinayət və ya inzibati xəta törətmiş şəxsləri qanunvericiliklə müəyyən edilmiş qaydada saxlamaq və rəhbərinin göstərişi ilə onları hüquq mühafizə orqanlarının sərəncamına vermək;
• xüsusi mühafizə olunan təbiət ərazisindən istifadə qaydalarının, həmin ərazinin mühafizə rejiminin pozulmasına görə qanunvericiliklə müəyyən edilmiş qaydada inzibati xəta haqqında protokollar tərtib etmək;

Bilməlidir:

Ekologiya və Təbii Sərvətlər Nazirliyinin,  Bioloji Müxtəlifliyin Xidmətinin və sənəd verdiyi qurumun fəaliyyətinə dair məlumatlara sahib olmaq, öz iş fəaliyyətində Azərbaycan Respublikasının Qanunlarını, Azərbaycan Respublikasının Nazirlər Kabinetinin qərarlarını, Azərbaycan Respublikası Prezidentinin fərman, qərar və sərəncamlarını, İnzibati Xətalar Məcəlləsini, quruma xas olan Qırmızı Kitaba düşmüş fauna və flora növləri haqqında məlumat, Azərbaycan Respublikasının təbiəti mühafizə sahəsində iştirak etdiyi beynəlxalq müqavilələri, digər normativ aktları, Ekologiya və təbii sərvətlər nazirinin əmr, təlimatlarını sənəd verdiyi qurumun əsasnaməsini, təbiəti mühafizə sahəsində elmi yenilikləri, əməyin təşkilinin əsaslarını, müəssisədaxili intizam qaydalarını, əməyin mühafizəsi, təhlükəsizlik texnikası, istehsalat sanitariyası və yanğından mühafizə norma və qaydalarını.

İxtisas tələbləri: orta ixtisas təhsilli mühafizə yegeri vəzifəsində 3 il stajı olan, ali təhsilli ümumi 1 il stajı olan, biologiya, coğrafiya, ekologiya, ətrah mühitin mühafizəsi ixtisasları üzrə ali  təhsilli.

Mühafizə yegeri

Vəzifə funksiyaları:

• mühafizəsinə cavabdeh olduğu ərazinin (dolayın) sərhədlərini yaxşı tanımaq və əsas giriş-çıxış yollarını nəzarətdə saxlamaq;
• mühafizəsinə cavabdeh olduğu ərazidə xidmətdə olduğu müddət ərzində və ya digər vaxtlarda baş vermiş qanun pozuntularını aşkar etdiyi təqdirdə bu barədə dərhal sahə müfəttişinə məlumat vermək;
• mühafizə fəaliyyəti sutkalıq rejimdə olan xüsusi mühafizə olunan təbiət ərazilərində xidmət edərkən mühafizə postlarında gündəlik növbətçilik qrafikinə əməl etmək, xüsusilə də,gecə vaxtı ayıq-sayıq olmaq;
• yaxınlıqda olan yaşayış məntəqələri ilə həmsərhəd zonalarda mühafizə rejiminin tələblərinə əməl olunmasına daha ciddi nəzarət etmək;
• xüsusi mühafizə olunan təbiət ərazisində və onun mühafizə zonasında xüsusi mühafizə rejimini pozanların sənədlərini yoxlamaq, nəqliyyat vasitələrini saxlamaq, qanunvericiliklə müəyyən edilmiş qaydada nəqliyyat vasitələrini, gəmiləri, ov alətlərini, əldə olunmuş məhsulları və başqa əşyaları yoxlamaq, hüquqpozmaya səbəb olmuş alətləri, cihazları və əşyaları, qanunsuz əldə edilmiş məhsulları, habelə müvafiq sənədləri götürmək və bu barədə sahə müfəttişinə dərhal məlumat vermək;
• xüsusi mühafizə olunan təbiət ərazisində və onun mühafizə zonasında mövcud qanunvericiliyə və mühafizə rejiminə zidd olan fəaliyyətləri dayandırmaq;
• xüsusi mühafizə olunan təbiət ərazisində və onun mühafizə zonasında qanunvericiliyi pozmuş, cinayət və ya inzibati xəta törətmiş şəxsləri qanunvericiliklə müəyyən edilmiş qaydada saxlamaq.

Bilməlidir:

Təbiəti mühafizə sahəsində mövcud olan qanunvericiliyi, meşə təftişini və faunanın uçotunun aparılmasını, heyvanların sayğsının aparılmasını, yanğından mühafizə tədbirləri həyata keçirilməsini, biotexniki tədbirlər keçirilməsini

İxtisas tələbləri: orta təhsilli.

Bələdçi

Vəzifə funksiyaları:

• milli parklarda turistləri müşayiət edir.Turistləri müşaiyət edərkən onların müəyyən olunmuş marşrut üzrə hərəkətinə nəzarət edir;
• milli park və onun ətraf əraziləri barədə geniş təbii, mədəni, tarixi və etnoqrafik məlumatlara malik olur;
• milli parkın ərazisində yerləşən təbiət və tarix-mədəniyyət obyektləri, həmçinin ərazinin qorunan flora və fauna növləri barədə turistlərə zəruri və dürüst məlumatlar verir;
• ərazidə istiqamət və cəhətləri müəyyən etmək bacarığına malik olur (bununla əlaqədar müvafiq cihazlarla işləməyi bacarmaq);
• meşədə, dağda, su hövzələrində və xüsusi ekstremal şəraitlərdə davranış qaydalarına əməl edir
• turistləri texniki təhlükəsizlik qaydalarına dair təlimatlandırır;
• qonaqpərvərlik və səmimiyyət hissləri üzərində işlərini təşkil edir.

Bilməlidir:

Milli parkın ərazisini yaxşı tanımalıdır, milli parkın əsasnaməsini və milli parka dair qanunvericiliyi, daxili əmək intizamı qaydalarını, əməyin təşkilinin əsaslarını, əməyin mühafizəsi, təhlükəsizlik texnikası, istehsalat sanitariyası və yanğından mühafizənin norma və qaydalarını.

İxtisas tələbləri: orta təhsilli, rus və ingilis dili biliyinə zəif də olsa malik olan